تأخر الحمل مش دايمًا معناه إن في مشكلة كبيرة، لكن أحيانًا الانتظار لفترة أطول من اللازم ممكن يأخر الوصول للسبب والعلاج المناسب.
القاعدة العامة
لو الحمل ماحصلش بعد سنة من العلاقة المنتظمة بدون وسائل منع حمل، بيكون مهم نبدأ تقييم أسباب التأخر. وفي بعض الحالات بننصح بالتقييم بدري عن كده، خصوصًا مع مشاكل في الدورة، أو تاريخ مرضي معين، أو تقدم في السن.
التشخيص بيبدأ بالطرفين
تأخر الحمل ممكن يكون من الزوجة أو الزوج، علشان كده تحليل الزوج من أول خطوات التشخيص. والتشخيص المبكر بيساعد نحدد أنسب خطوة، ومش شرط أبدًا إن الحل يكون حقن مجهري.